The Empire Strikes Back! Suede take Hong Kong

喺好耐好耐之前，有隊英國樂隊好鍾意嚟香港開concert，自樂隊第二張專輯起，佢哋每出一張專輯就嚟香港做一次show，足跡遍佈伊館會展九展亞博，頻密程度是同期Britpop樂隊之冠、由佢哋建立好Britpop與香港樂迷嘅友好關係，甚至頻密到謠傳其主音歌手喺香港買咗樓，仲要言之鑿鑿話係黃埔花園。 

後來，呢隊英國樂隊已經唔再嚟香港喇。舊年去台灣、澳門，今年去上海、阜陽等華人地區，都唔再返嚟香港。究竟香港發生咗咩事呀？ 

 【畀我搵返呢期《NME》出嚟】1997年Suede舉行香港站音樂會，《NME》派記者隨團來港報導，做咗三大頁專題，簡直是可一不可再的事。嗰期《NME》嘅封面人物，係尚未戴頭盔嘅Daft Punk，而Suede就係右上角細圖，題目係：The Empire Strikes Back! Suede take Hong Kong。