2009年5月22日星期五

插曲

這是由My Little Airport的城中熱話之作〈Donald Tsang, Please Die〉引伸出來的一段小插曲,結果真的為事情多添了一首插曲。

因為一個訪問,阿P再度發揮他的「出口成歌」本色,昨天(5月21日)中午透過Facebook發佈了一首新歌〈給Face雜誌的記者Ivy〉的歌詞作回應。當中只有附上歌詞,沒有旋律,歌曲名字也是My Little Airport的「人名曲目」系列的延續。事情的始末,阿P以敍事形式娓娓道來,寫得苦口婆心。

五月十八號你打嚟約我做訪問
話想知道關於我哋首〈please die Donald Tsang〉
聽到你係FACE已經覺得有d甘
同你三唔識七受害應該都係我本人

我話唔得閒亦唔想做你訪問
但你打好幾次嚟又態度好誠懇
所以我都俾你喺個電話度問
總好過你完全亂作我個心係咁諗

開始既時候你都係正常咁問
除左無啦啦問我有無女友同佢點諗
我再三叮囑唔好寫我正職嘅身份
你話都唔知我返乜工又點會有可能

第日我個friend打嚟話見到個訪問
而且當中仲問埋我間公司嘅高層
果個仲要係陳志雲
問佢點樣睇呢位員工嘅呢一首作品

Ivy我知你本身不是這種人
我們都一樣低薪兼出賣靈魂
但公司裁員時不會講社會責任
你又何必賣力到賣埋自已嘅良心

Ivy我知近年畢業是很不幸
讀書時你應該無諗要過呢種人生
仲要寫多幾多期同害多幾多個人
夏天來了不如轉吓份工唔好再等

當你仲可以嘅時候要趁早起行

然後,Pixeltoy兼阿P的永遠懷念塔可夫斯基之隊友何山「搶先」灌唱了〈給Face雜誌的記者Ivy〉送給阿P與My Little Airport,並在當晚十時許把音樂短片上載到Facebook。


5月22日凌晨,My Little Airport版的〈給Face雜誌的記者Ivy〉終告現身Facebook了。事情真好玩。


〈給Face雜誌的記者Ivy〉,令我想起瑞典樂隊Edson主音歌手Pelle Carlberg在其2005年首張個人專輯《Everything. Now!》內一曲〈Go To Hell, Miss Rydell〉——那是Pelle對這名寫衰了Edson第三張專輯的樂評人之反擊,溫文爾雅地叫Rydell小姐落地獄。

3 則留言:

Samuel 說...

請問edson還在嗎?

匿名 說...

indie won kwongPPPPP

袁智聰 說...

Edson看來已名存實亡了。